【2歲的睡眠倒退期】

睇完之前咁多個post，你可能心入面會諗：完了吧？如無意外.... 🤣🤣 Um...可能要令你失望了，因為小朋友喺兩歲至兩歲半呢段期間都會出現睡眠倒退期🙈

去到兩歲，你會發現小朋友識得say NO，好多嘢都有自己嘅原則、自己嘅想法，去到瞓覺呢個環節，當然唔例外啦！佢哋每次瞓醒嘅活動時間拉長，佢哋會好珍惜每分每秒都要去玩、去探索世界，所以會唔肯瞓晏覺。

當你以為出現呢個情況就代表小朋友唔再需要瞓晏覺，你就錯喇！小朋友需要去到至少三歲先至唔需要喺日間小睡㗎！間唔中有一兩日冇瞓晏覺，對小朋友嘅影響唔會太大，但係如果太早同佢哋cut咗午睡，好大可能會令佢哋出現過分疲勞，導致休息不足、夜晚睡眠質素下降、情緒欠佳（亦即係好多人會提及嘅trouble two）。