BB由出世開始頭兩年都要打好多支唔同嘅疫苗 🙈 有媽媽問，打完針會唔會影響BB嘅睡眠呢？
打針嘅副作用其實係因人而異嘅，但係大部分BB打完針都會比較攰，會比平時瞓得多，而且無乜心機玩，胃口減退。爸爸媽媽可以盡量畀BB休息多啲，比平時瞓多少少都可以的。
有啲BB打針後會瞓得差咗，扎醒機會增加，因為BB打完針可能會出現發燒、打針位腫痛等情況，呢啲唔舒服有機會影響BB嘅睡眠😣 如果BB真係好唔舒服，可以比多啲安撫BB。打針嘅影響一般只維持幾日，如果BB一直瞓得OK，只有幾日打亂左時間表或者睡眠模式，影響唔會太大嘅😉
打針嘅影響一般只會維持1-3日。不過，一歲同歲半打嘅MMR針，對小朋友嘅影響會較大.... 持續時間亦較長... 🙈🙈 聽日再分享多啲！
Commentaires