MMR針係麻疹、流行性腮腺炎及德國麻疹混合疫苗，按衛生署最新安排，滿一歲時BB要打第一劑MMR疫苗，18個月時打第二劑 (MMRV)。
MMR針係一支活性減毒疫苗，小朋友打完之後兩星期內都有機會發燒、出紅疹、食慾減退。MMR針所帶嚟嘅影響未必係打針後幾日出現，而係打完兩至三星期內BB都會有機會唔舒服，所以好多媽媽都發現打完MMR/MMRV，小朋友有一段時間係特別「扭計」，又會瞓得差咗 😣😣 係... 畢竟呢支針嘅影響真係有機會持續，BB唔舒服係會難啲瞓得好😔（大人都會，更何況BB呢）
當然，打針嘅影響係因人而異嘅！有啲BB打完MMR針都無乜嘢🙈 但係有啲會打完之後十日先發燒🤒️ 再加上小朋友有機會喺一歲/歲半遇上睡眠倒退期，令情況更嚴重......
疫苗嘅影響我哋估計唔到，如果BB真係因為打針後發燒唔舒服（就算只係低燒），我哋可以盡量畀多啲安撫佢哋，但盡可以就唔好建立唔健康嘅睡眠習慣喇！
如果爸爸媽媽覺得有需要，可以考慮下打一歲針同歲半針前，煲啲湯水比小朋友「打定個底」（一般建議連續飲幾日，但每次份量唔需要太多）。以下係我自己同唔少媽媽們嘅推介，大家可以參考下google下 😉 不過要衡量小朋友會唔會對以下嘅食物敏感呀！有需要可以喺煲湯水前比小朋友分開試呢啲食物先。
🥣 竹蓆茅根馬蹄水
（有人話茅根容易導致敏感，可以試用粟米紅蘿蔔代替）
🥣 三豆湯
（有人建議加片糖令味道好啲😆 每個人嘅口味唔同，爸爸媽媽可以睇下需唔需要加）
コメント