【小睡轉換期 】

之前同大家分享過，嬰幼兒喺每個階段嘅睡眠需要都會唔同，佢哋小睡嘅次數都會慢慢遞減。

喺4-5個月、6-8個月、15-18個月、3-5歲嘅階段，嬰幼兒都會經歷一個小睡轉換期/轉覺期。

有時候當我哋發現小朋友小睡出現問題，例如好耐都瞓唔著，或者好快就醒，其中一個可能性係佢哋嘅日間睡眠需要有所改變。不過...... 要記住，轉覺期只係其中一個可能性，過早減少小睡嘅次數，令小睡次數、時間、長短唔適合的話，可能會令BB過分疲累，好容易造成睡眠不足㗎！ 所以小朋友係唔係需要減少小睡次數，就要靠爸爸媽媽多方面嘅觀察啦。