【睡眠諮詢 ≠ 睡眠訓練 ≠ 任由BB喊到瞓】

琴日講到嬰幼兒睡眠諮詢並唔等於一定要進行睡眠訓練，更加唔係唔理BB任由BB喊到瞓着。

其實睡眠訓練只係嬰幼兒睡眠諮詢嘅其中一個部份，我會按住小朋友嘅實際需要，再決定係咪需要進行睡眠訓練。有時候其實只要喺其他方面作出一啲改變， BB已經可以瞓得好咗好多。

即使要進行睡眠訓練，亦都唔等於要畀BB喊到瞓著（即係用Cry it out 哭聲免疫法）。Cry it out 只係其中一個睡眠訓練方法，其實有好多其他方法可以用。再者，每個小朋友都係獨一無二架，冇一個方法係可以適合每一個小朋友，嬰幼兒睡眠上，並冇one-size-fits-all approach架，所以要進行睡眠訓練，都要按小朋友嘅個性同需要，去制定合適嘅方法同埋執行機制。