【點解BB黃昏至夜晚特別「扭計」😫】

當BB三至六週大嘅時候，有啲爸爸媽媽會發現BB經常喺黃昏至夜晚嘅時段成日「扭計」成日喊...😫 到底點解會咁樣？

其中一個常見嘅原因係BB需要密集式食奶 (cluster feeding)。初生BB一般每日24小時每2-3小時就要食奶，但係三至六週大嘅時候，佢哋好大可能經歷猛長期，喺某啲時候需要好頻密地食奶，有啲BB甚至每個鐘都需要飲奶（即係剛剛飲完奶、掃完風，放落床仔一陣就已經肚餓又要食奶）🙈🙈 😅

Cluster feeding嘅情況喺二十四小時內任何時段都有可能出現，但係研究發現喺黃昏至晚上出現嘅機會率較高。其中一個原因係BB 需要喺臨瞓前吸收足夠嘅熱量，以延長夜晚嘅睡眠時數 😉 無錯，密集式食奶 (cluster feeding)可能係BB可以延長夜晚睡眠時數嘅一個徵兆，係好事黎㗎！即係媽媽都好快可以瞓長啲喇🙌🙌

除此之外，如果BB日間休息唔足夠，疲累嘅感覺一直累積，去到黃昏至夜晚嘅時候攰得滯就會覺得好唔舒服，哭鬧亦會較多。加上BB嘅神經發展未太成熟，到黃昏嘅時候光線嘅變化會對BB造成刺激，令BB安全感下降，容易變得煩躁。另外，日間過分刺激、脹氣、腸絞痛都會導致BB黃昏至夜晚哭鬧較多。