喺剛剛過去嘅聖誕假期，相信唔少家庭都有各式各樣嘅活動，對於需要較長睡眠時數嘅嬰幼兒嚟講，出去玩嘅日子多咗，休息時間相對會減少，慢慢可能會積落一定嘅「睡眠債」。
欠睡眠債就好似欠錢一樣，如果我哋唔還清債務，債務係唔會突然消失🙈 如果小朋友一向有健康睡眠習慣，而且大部分日子都休息足夠，只係一兩日瞓少咗影響就唔會太大，「債務」好快還清。
不過，如果小朋友一直都瞓得唔太好，加埋歡樂嘅節日所累積睡眠債，佢哋好可能會「負債累累」。長期積落睡眠債，對嬰幼兒嘅影響就可以好深遠😣 長期睡眠不足會令BB比較炆憎、無乜精神，影響身心健康，更會衍生其他睡眠問題（難以入睡、夜醒、早醒等等）
如果你覺得你嘅小朋友都累積一定嘅睡眠債，你會點樣幫佢哋「還債」？👇 留言話我知你覺得以下邊個方法最適合！整合大家嘅意見後我再出post分享多啲😉
1️⃣ 朝早畀佢瞓晏啲，唔使咁早叫醒佢
2️⃣ 日間比佢瞓多幾次小睡
3️⃣ 日間每次小睡瞓多啲
4️⃣ 提早就寢時間，增加佢夜晚嘅睡眠時間
5️⃣ 其他方法，歡迎分享
Комментарии