【趴睡有問題嗎？】

前兩日同大家分享咗安全睡眠ABCs後，收到唔少爸爸媽媽嘅feedback 話BB好鍾意趴喺度瞓😌 大家不約而同會問，其實趴睡有冇問題？

首先，最安全嘅睡姿一定係仰睡，即係放BB落床仔嘅一刻， BB背脊一定係貼住床仔。千祈唔好因為覺得BB鍾意趴睡，放佢落床嘅時候就幫佢做趴睡。而隨住BB不斷成長，當佢哋開始識得轉身，可能會瞓瞓下變咗趴睡，如果佢哋冇能力自己翻身，轉唔到身好可能會喊，咁父母就需要幫一幫手。但如果BB已經可以靈活自如地兩邊翻身，父母就唔需要專登幫BB翻身（當然要確保BB呼吸暢順）。