有唔少爸爸媽媽認為只要BB臨瞓前食得飽，就可以令佢哋一覺瞓天光，延長夜間睡眠嘅時間，所以往往會喺BB臨瞓前比多啲野佢哋食。但其實係咪能夠一覺瞓天光或者夜晚連續可以瞓耐啲，好視乎BB嘅歲數同埋全日嘅吸收量㗎！如果BB經常過飽，佢哋好大可能會覺得胃仔唔舒服，反而影響睡眠，所以爸爸媽媽一定要注意小朋友嘅飲食，食得剛剛好就已經足夠喇😉
一歲或以上嘅BB，食物較多元化，爸爸媽媽要更留意小朋友夜晚食嘅嘢呀！正如之前分享所提及，臨瞓前幾個鐘小朋友就唔好進食或飲用任何有咖啡因嘅食物或者飲品，亦要避免進食過甜嘅食物呀！
除此之外，臨瞓前幾個鐘攝取含有食胺酸(tryptophan)嘅食物能幫助大腦產生睡眠荷爾蒙—褪黑激素(melatonin)，令小朋友更有睡意😴 含有豐富食胺酸嘅食物包括牛奶（全脂牛奶更佳）、芝士、豆腐、家禽類食物、雞蛋、燕麥、小麥、果仁、芝麻、香蕉、車厘子等等。
要令色胺酸更快抵達大腦令人產生睡意，緊記進食以上食物嘅時候需要同時進食含複雜碳水化合物(complex carbohydrates)嘅食物，例如糙米、薯仔、蕃薯、全麥麵包等😉
Comments