【餵夜奶時父母可留意的幾件事】

相信餵夜奶對唔少父母嚟講都係既甜蜜又痛苦嘅階段🥱 今日想同大家分享吓餵夜奶時可以留意嘅幾件事，等呢個階段可以多啲甜少啲苦😉

1️⃣ 要留意餵夜奶時嘅燈光，只需要開一盞好微弱嘅夜燈就足夠（黃光或紅光最好），避免BB飲完奶成個人醒晒。

2️⃣ 成個餵夜奶嘅過程要保持平靜，唔需要同BB有太多交流，等佢哋飲完奶掃完風可以盡快再次入睡。

3️⃣ 尿片嘅設計可以用到十幾個鐘㗎！所以睡前換好乾淨嘅尿片，半夜如非必要就唔好同BB換片，以免整到佢哋醒晒🙈 朝早起身預咗條片會好有份量😆

4️⃣ 留意BB係咪真係肚餓要飲奶，定係只想要支奶/埋身去安撫佢再瞓。BB喺4至6個月大之前需要夜奶係正常，但一般去到4至9個月大，大部份BB已經可以連續瞓十幾個鐘，去到一歲左右，夜晚好多時都係習慣多於生理需要。如果BB唔係真係肚餓但又晚晚有夜奶飲，久而久之可能會造成習慣性夜醒問題😣