【點解BB出牙時夜晚痛楚會較強烈？】

出牙期間， BB日頭都會比較煩躁，但係有唔同嘅活動分散注意力，痛楚感相對低啲。夜晚休息時無得玩、無咗唔同嘅刺激，就會較容易感受到出牙嘅痛楚。

另外。疲倦同痛楚會互相影響。夜晚褪黑激素分泌高，我哋嘅身體較攰，會比較難應付身體上嘅不適，更容易感受到痛楚。

痛楚影響睡眠質素，瞓得唔好亦直接影響大腦🧠如何處理痛楚。加利福尼亞大學嘅神經科學期刊曾經發表一項研究，發現如果我哋休息唔足夠或者唔理想，與疼痛感相關嘅大腦區域活動量就會增加。

所以最可以幫助嬰幼兒過渡出牙不適嘅好方法，就係建立良好嘅睡眠習慣，有充足嘅睡眠😉 如果BB一向瞓得好，會更容易適應同過渡出牙期間嘅不適。